的而且確，要買CM'S 嘅M.A.S系列，需要好大決心，最好就係死士...
等左一年有多，我最終都買了這盒機動警察AVS-98 Economy
由外盒可以見到有兩部機，燈色為Economy，灰色為Mark II，CM'S為左慳水慳力，又用同一款盒包裝兩部機...唔知真係以為一盒有兩隻呢...
打開盒後，所有配件一目了然...由於太簡單，所以連說明書都無須要比...
CM'S出名上色差，但今次算係唔錯...起碼冇出界
從側面睇，燈色與白色相隔得很工整，感覺算不錯
M.A.S係全膠產品，無合金成份，但背後都露哂D螺絲位出來，反而另一隻M.A.S Peace Maker 就無呢個情況...抵打!
AVS-98 機體雖然係AV-98英格輪嘅改良版，但設計上都有很多不同..
機倉係打開心口上蓋由上面進入，打開後可以見到內裏有一個已上色嘅人仔，但人仔係唔可以拿出來...
另外，當打開後面個蓋，可以發現一個控制桿，我研究過應該係用來控制機倉內嘅公仔上上落落，但如果真係咁，問題就發生啦...
由於AVS-98嘅機倉係密封式，即係駕駛員係唔會好似英格輪咁可以露出機倉，只能用輔助電視...咁玩具設計上可以調教坐椅位置來做乜...?多此一舉...
而在手方面，左手同樣有盾牌，而且可以拆下來...看似內有乾坤，以為好似英格輪咁有伸縮警棍...
點知發現盾牌後面係冇位置放入警棍...咁俾支短警棍做乜?
右手方面，同樣可以伸長來拿警槍....
但右腿位置係唔可以打開蓋，警槍唔可以放入去...又係多餘...
再加上在機體設定上，AVS-98只係一部試驗機，根本無手槍及警棍，而CM'S就附送埋...究竟係想玩具多D元化丫，定係無參考資料呢...?
雖然有唔少流弊，但在活動方面都算唔錯...先做些熱身運動吧...
壓腿...
彭丹...
Sit Up...
招牌動作都算唔錯...
腳掌可動性很高...而唔顯眼嘅位置都有組件...
想再睇多d...請留意下一集啦
