MG版機動警察3號機~反應裝甲(完成)

差唔多砌左成個月，呢部機動警察反應裝甲3號機終於完上色工序，可以作最後組裝

臨裝前，先來個大合照

今次白色油用左gaia，感覺十分之好，遮蓋能力不錯，而且我買既係大樽裝，計落平過用郡氏





避彈衣就用番郡氏，顏色自己溝出來，感覺都ok，本來嘗試噴陰影，但技術不太好，結果都係用稀釋左既黑色掃兩野野算...



比較失望既係手掌不能活動，普通版嘅手掌係可以開合



警棍又連埋手掌一齊，減少左可變手勢

組裝完成...好鬼正呢!









油避彈衣都用左唔少時間，尤其是甲上面嘅皮帶...真係油到眼都花...



盾牌都油左成個鐘...

頭部嘅ECM裝置係3號機嘅特點...亦係我喜愛佢嘅原因



攞番部普通版3號機出來合照，可能之前無做任何上色及光油保護，所以顏色已開始變黃...不過都接近3年啦，變黃都好正常

完成呢隻3號機之後，暫時要停一停模型製作...因為要開始擺精神係台灣遊上面

機動警察~高田明美畫集

兩本畫集都買左一段時間，但買左番來都冇乜睇過就收埋左，最近執開房，又摷番出來，順便影幾張相分享下

紫色頭髮果個有d似小忌廉喎...

MG版機動警察3號機~反應裝甲(2)

終於完成上灰工序，由於呢盒MG有好多件，今次破紀錄用左63支竹簽

不得不讚Bandai嘅MG版模型，每件件都設計得十分之好，基本上唔使點執就可以上色...抵佢貴