鐵道旅行~幸福100

為慶祝台灣生日100周年，台鐵出左一本名為「鐵道旅行~幸福100」的風景紀念戳印蒐集冊，揀選左100個火車站，比旅客蓋章留念。

活動由今年1月至12月，適逢我會坐火車遊台灣，這本書正合我所用，哈哈

書本內有齊219個火車站的名稱，而旅客可以去到指定火車站，蓋上特別設計嘅印章



當然，要去齊100個指定車站，需要唔少時間，我亦唔會特別安排行程去蓋章，以免擔誤時間



特別版會加送6張明信片，分別印上台鐵的六款火車，到時就可以用此明信片寄番屋企



其實呢本書係台灣好多地方都有得買，但我唔想浪費時間去搵，所以都係博客來先訂番來...兩日就到屋企啦，真快手

台灣環島遊(準備3)

經過兩個星期埋頭苦幹，行程已大致完成，為左呢個行程，睇左十幾本旅遊書，然後集合哂所有想去嘅景點，大概有180個

當然淨係睇書係唔夠，因為資料未必係最新，所以都要再上網再搵，因為有時有些景點可能太偏僻，書本係唔會介紹

台灣在旅遊資訊方面，真係做得好出色，基乎所有你想搵嘅景點，都可以搵到資料，好多仲要係專門一個網頁介紹

交通係自由行一個最重要嘅問題，而台灣在交通資訊方便，同樣做得好出色，火車、捷運、客運及城內巴士，都可以清楚知道發車時間及路線，對於計劃來講真係好有用

不過，最不可缺少嘅都係都Google Map，你可以係Google Map搵你所要嘅景點，然後分類儲存好，咁就可以對景點嘅位置一目了然，對於行程計劃係十分有用，至少我可以知道邊幾個景點係比較接近




Google Map已經覆蓋左全台灣嘅街景圖，睇定先就唔怕到時認錯路啦...哈哈

呢張圖就顯示到我將會去嘅景點...heehee

台灣環島遊(準備2)

仲有唔夠一個月就台灣遊，係時候要準備所需要嘅東西，裝備方便，尋日就去左深水埗入貨....有些今次要額外添置，例如係腳架、萬用刀及110W火牛，因為台灣用電係110W

之後就要買多幾張SD card，由於相機比較舊，用唔到SDHC，所以買定5張



另外，之前同同事傾開GPS導航器，心血來潮，見價錢又唔算好貴，都想買部過去台灣用下



體積唔大，而且好輕，袋係褲袋都冇問題



先睇下我而家係邊先...都好接近喎

但最重要都係睇下台灣地圖，由於本身部機係冇台灣地圖，所以需要上網搵...但呢方面絕對冇難度..哈哈



選擇左地區，就可以選擇你想搵嘅地方，系統可以幫你搵在你附近最近嘅景點、住宿、食店等等....
但由於我而家係香港，所以先手動去搵



之後就會進入到地圖內，如果本身係台灣，就可以幫你搵出行走路線



睇唔明仲可以睇3D圖...包冇錯

由於呢部機本身係比車用，如果手提就會好快冇電，只得2~3個鐘，不過呢部機始終都係當地圖用，冇需要長開，相信電量唔係問題

學定台語去台灣

最近好勤力地Plan緊台灣環島行程，都冇時間去update個Blog。

上網搵資料，唔可以少得有音樂相伴，本身都好鍾意聽國語歌，而最近台灣癮起，鍾意聽埋台語歌

學定幾句，可能有用喎...哈哈

首選係呢首五月天...志明與春嬌

不老騎士

最近因為要準備台灣環島，不停係網上搵資料，恰巧搵到呢段銀行廣告....



廣告內容係講述有幾位老人家，為左完成年青時嘅夢想，便決心走去環島

原來呢段片係真人真事改編，在2007年，有17位老人家，在一個基金會的協助下，騎住電單車用左13日時間環島，後來拍成紀錄片。當中有好多片段都係十分感人，而且令人熱血起來。

機動警察 WAVE 1/48 ARL-99 Helldiver (擺款篇)

99式強襲空挺....


























呢個樣...有d似大陸武警...





兩雄相遇...同場加演一號機



個人認為兩部WAVE，Helldiver做得比較接近設定，1號機略嫌太修長...







與山口式合照..


陸上自衛隊之...大細孖

機動警察 WAVE 1/48 ARL-99 Helldiver (介紹篇)

"眾裏尋它千百度"...用這句詩詞來形容這盒玩具，絕對無跨大成份，因為我真係搵左好耐好耐好耐...。由最初知道佢推出時已經留意，但搵哂所有玩具舖都唔見有，就連相熟店舖都問過，始終都係無法買得到。基本上，當初我已經放棄左，但後來無聊在ebay見到有人放出來，最重要係個賣家願意寄到香港...最後當然係順利到手啦...

我很喜歡WAVE這個盒的封面設計，同1號機一樣，都是側身顯示，很特別。



而後面嘅相就表達哂所有裝備，一目了然

打開盒，內裏包裝改左用透明盒，而1號機就用發泡膠盒，對於唔拆盒嘅玩家來講，透明盒可以比佢地隔盒欣賞



裝備一覽...但配件唔算好多



手部就只有一對打開嘅手，比較少選擇



武器配件是40mm機關槍，亦係Helldiver嘅主要武器。




最初玩具在展出時，係有配備短刀，但最後都係冇附送到，真係唔知點解，可能玩具公司想配合電影內嘅情節，因為當中嘅陸上自衛隊係冇配短刀的




最後是可拆除嘅推進器及降落傘，當然，降落傘係唔可以打開的...哈哈

整隻玩具冇盒金成份，所以唔使驚好似CMS咁見哂d 螺絲





另一方面是，玩具上色真係一流，毫無甩油情況，岩哂d完善主義者




頭部配件可以換作夜視面罩



面罩可以拆出來更換



帶左副超型仔哂
而胸前嘅駕駛員就設計得十分馬虎...



只係得一半身都冇，我寧願佢唔整好過



咁仲好睇啦...




胸前位置看似冇乜特別，但其實內有乾坤



就係推進器來有一塊磁石，玩家只要輕輕一放就可以裝上，避免拆裝時會刮花玩具表面....值得一讚



面背後嘅降落傘雖然沒有磁石，但在設計上可以掛住肩膀，都唔會跌下來

手部活動亦做得唔錯，ball joint收埋係手腕來，靈活之餘又唔會露出關節位



肌肉關節棄用軟膠遮蓋，雖然缺乏左機警系列嘅特色，但由於用左硬膠，顏色確實靚好多，而且更有立體感



不過棄用軟膠遮蓋，就容易睇到內裏關節，令肌肉位看上不夠一至



腰部同樣用上雙重關節，上面嘅ball joint，再加上下面可以打橫轉動，令機體更加靈活





膝蓋活動係全部機最差嘅地方，不能90度彎曲，即係表示不能作下跪動作，亦係唔用軟膠設計嘅後果



小腿部份可以打開活門，用作高速下降時減速，亦係Helldiver嘅特色之一



而內裏嘅機械設計都好精密，上色好靚



而隨著腳腕嘅活動，內裏關節亦會輕微郁動，避免阻礙活動能力



整體上，這部Helldiver算做得唔錯，上色一流，雖然腳部活動因膝蓋設計而大減，但基本動作都可以做到，玩家應該可以接受